ghss machad: വായനാവാരം സമാപനം

27/6/14

വായനാവാരം സമാപനം

സാഹിത്യകാരൻ രഘുനാഥ് , സ്വന്തം പുസ്തകങ്ങൾ സ്കൂൾ ലൈബ്രറിക്ക് സമ്മാനിക്കുന്നു

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

ഇതിനായി സബ്‌സ്ക്രൈബ് ചെയ്ത: പോസ്റ്റിന്റെ അഭിപ്രായങ്ങള്‍ (Atom)

ഒറ്റ ജ്വാലയായി കേരളം

Posted on: 02-Dec-2012 02:05 AM

തിരു: അടുക്കളയിലെ അടുപ്പ് അണയാതിരിക്കാന്‍ അഗ്നിശൃംഖലയില്‍ ലക്ഷങ്ങള്‍ അണിചേര്‍ന്നപ്പോള്‍ കേരളം ജ്വാലകളാല്‍ ദീപ്തമായി. പാതയോരത്ത് അടുപ്പുകള്‍ കത്തിച്ച് ജനലക്ഷങ്ങള്‍ തീര്‍ത്ത ശൃംഖല, പ്രതിഷേധത്തിന്റെയും ചെറുത്തുനില്‍പ്പിന്റെയും രോഷാഗ്നിയായി. 750ല്‍ ഏറെ കിലോമീറ്റര്‍ ദൈര്‍ഘ്യത്തില്‍ പത്ത് ലക്ഷത്തില്‍പ്പരം അടുപ്പുകള്‍ കത്തിച്ച് ഭക്ഷണം പാകംചെയ്ത് ഉജ്വലവും അത്യപൂര്‍വവുമായ സമരചരിത്രമാണ് കേരളജനത കുറിച്ചത്.

വിലക്കയറ്റത്തിലും പാചകവാതക സിലിണ്ടറുകളുടെ എണ്ണം വെട്ടിക്കുറച്ചതിലും പ്രതിഷേധിച്ച് സിപിഐ എം സംസ്ഥാന കമ്മിറ്റിയുടെ ആഹ്വാനം അനുസരിച്ചാണ് അടുപ്പുകൂട്ടി അഗ്നിശൃംഖല തീര്‍ത്തത്. പാകംചെയ്ത വിവിധതരം ഭക്ഷണം സമരരംഗത്ത് അണിനിരന്നവര്‍ പങ്കിട്ടുകഴിച്ചു. മഞ്ചേശ്വരംമുതല്‍ പാറശാലവരെ ദേശീയപാതയുടെ പടിഞ്ഞാറ് ഭാഗത്ത് ഒത്തുചേര്‍ന്ന ജനങ്ങള്‍ നാലരയ്ക്ക് അടുപ്പുകള്‍ കത്തിച്ചു. ദേശീയപാത കടന്നുപോകാത്ത ഇടുക്കി, വയനാട്, പത്തനംതിട്ട, കോട്ടയം ജില്ലകളില്‍ മറ്റുപാതയോരങ്ങളില്‍ അടുപ്പ് കത്തിച്ച് ജനാവലി പ്രതിഷേധാഗ്നിയില്‍ കണ്ണികളായി. 30 ലക്ഷത്തോളം പേര്‍ സമരത്തില്‍ പങ്കുചേര്‍ന്നു. സിപിഐ എം നേതാക്കളും പ്രവര്‍ത്തകരും കുടുംബസമേതമാണ് അഗ്നിശൃംഖലയില്‍ പങ്കാളികളായത്്. നിരനിരയായി അടുപ്പുകൂട്ടി ഭക്ഷണം പാകംചെയ്ത് ജനലക്ഷങ്ങള്‍ ഒരേവികാരവായ്പോടെ പങ്കിട്ട് കഴിച്ചപ്പോള്‍ അടുക്കള പൂട്ടാനൊരുമ്പെട്ട ശക്തികള്‍ക്കത് കനത്ത താക്കീതായി. തെരുവുകളില്‍ ആളിക്കത്തിയ തീജ്വാല കേരളത്തിന്റെ പൊതുവികാരമായതോടെ അഗ്നിശൃംഖല ലോകശ്രദ്ധയില്‍ ഇടംപിടിച്ചു. സിപിഐ എം സംസ്ഥാന സെക്രട്ടറി പിണറായി വിജയന്‍, പൊളിറ്റ് ബ്യൂറോ അംഗം എം എ ബേബി, പ്രതിപക്ഷ നേതാവ് വി എസ് അച്യുതാനന്ദന്‍ എന്നിവരും കുടുംബാംഗങ്ങളും പാളയം രക്തസാക്ഷി മണ്ഡപത്തിനു മുന്നില്‍ അടുപ്പുകൂട്ടി ശൃംഖലയില്‍ അണിചേര്‍ന്നു.

രാഷ്ട്രീയ, സാമൂഹിക, സാഹിത്യരംഗങ്ങളിലെ പ്രമുഖരും സമരത്തിന് ആവേശംപകര്‍ന്നു. സ്ത്രീകളുടേയും വീട്ടമ്മമാരുടേയും വര്‍ധിച്ച പങ്കാളിത്തം സമരമുദ്രാവാക്യത്തിന്റെ പ്രസക്തി ക്ക് തെളിവായി. കേരളത്തിന്റെ വടക്കേ അറ്റമായ മഞ്ചേശ്വരത്ത് സിപിഐ എം കാസര്‍കോട് ജില്ലാ സെക്രട്ടറി കെ പി സതീഷ്ചന്ദ്രനും തെക്കേ മുനമ്പായ പാറശാലയില്‍ സംസ്ഥാന കമ്മിറ്റി അംഗം ആനാവൂര്‍ നാഗപ്പനും കുടുംബസമേതം അടുപ്പില്‍ തീ പകര്‍ന്നു. കട്ടന്‍ ചായയും കപ്പപ്പുഴുക്കുമുതല്‍ ബിരിയാണിവരെയുള്ള വിഭവങ്ങളുമാണ് തെരുവില്‍ പാകംചെയ്തത്. സമരചരിത്രത്തില്‍ പുത്തന്‍ അധ്യായം കുറിച്ച അടുപ്പുകൂട്ടി സമരത്തില്‍ തിരുവനന്തപുരം ജില്ലയില്‍ രണ്ടു ലക്ഷത്തിലധികം പേര്‍ അണിചേര്‍ന്നു.

പാറശാലമുതല്‍ കടമ്പാട്ടുകോണംവരെ 77 കിലോമീറ്റര്‍ ദൈര്‍ഘ്യത്തിലാണ് അടുപ്പുകൂട്ടിയത്. പാളയം രക്തസാക്ഷിമണ്ഡപത്തില്‍ ചേര്‍ന്ന സമാപനയോഗത്തില്‍ പിണറായി വിജയന്‍ അധ്യക്ഷനായി. വി എസ് അച്യുതാനന്ദന്‍, എം എ ബേബി, കോണ്‍ഗ്രസ് എസ് സംസ്ഥാന പ്രസിഡന്റ് രാമചന്ദ്രന്‍ കടന്നപ്പള്ളി, പാര്‍ടി ജില്ലാ സെക്രട്ടറി കടകംപള്ളി സുരേന്ദ്രന്‍ എന്നിവര്‍ സംസാരിച്ചു. സിപിഐ എം കേന്ദ്ര കമ്മിറ്റി അംഗങ്ങളും സംസ്ഥാന സെക്രട്ടറിയറ്റ് അംഗങ്ങളും സംസ്ഥാന കമ്മിറ്റി അംഗങ്ങളും ഉള്‍പ്പെടെയുള്ളവര്‍ മറ്റുജില്ലകളില്‍ കുടുംബസമേതം അടുപ്പുകൂട്ടി അഗ്നിശൃംഖലയില്‍ പങ്കുചേര്‍ന്നു.

ആദരാഞ്ജലികള്‍

ഗുഡ്ഗാവ്: മുന്‍പ്രധാനമന്ത്രി ഐ കെ ഗുജ്റാള്‍(93) അന്തരിച്ചു. ഗുഡ്ഗാവിലെ സ്വകാര്യാശുപത്രിയില്‍ വെള്ളിയാഴ്ച വൈകീട്ടായിരുന്നു അന്ത്യം. സംസ്കാരം പിന്നീട്. ദിവസങ്ങളായി കടുത്ത ശ്വാസതടസത്തെത്തുടര്‍ന്ന് ചികില്‍സയിലായിരുന്നു. 1997 ഏപ്രിലില്‍ മൂന്നാം മുന്നണിയുടെ പ്രതിനിധിയായി ഇന്ത്യയുടെ 12ാമത് പ്രധാനമന്ത്രിയായ ഗുജ്റാള്‍ സ്വാതന്ത്ര്യസമരസേനാനി കൂടിയായിരുന്നു. ക്വിറ്റിന്ത്യാപ്രക്ഷോഭത്തില്‍ പങ്കെടുത്തതിന് 1942 ല്‍ ജയില്‍വാസം അനുഭവിച്ചു. അറിയപ്പെടുന്ന ചിത്രകാരനായ സതീഷ് ഗുജ്റാള്‍ സഹോദരനാണ്.

പ്രധാനമന്ത്രിയാവുന്നതിനുമുന്‍പ് അദ്ദേഹം വിവിധ കേന്ദ്രസര്‍ക്കാരുകളില്‍ പലപദവികളും വഹിച്ചു. ഇന്ദിരാഗാന്ധി, വി പി സിങ്ങ്, ദേവഗൗഡ എന്നിവരുടെ കീഴില്‍ പാര്‍ലമെന്ററികാര്യം, വാര്‍ത്താവിനിമയം, വിവരപ്രക്ഷേപണം, പൊതുമരാമത്ത്-ഭവനിര്‍മ്മാണം, ആസൂത്രണം, വിദേശകാര്യം തുടങ്ങിയ വകുപ്പുകളില്‍ കേന്ദ്രമന്ത്രിയായിരുന്നു. അടിയന്തരാവസ്ഥയ്ക്കു തൊട്ടുമുന്‍പ് 1975ല്‍ ഇന്ദിരാഗാന്ധിയുടെ മന്ത്രിസഭയില്‍ വിവര പ്രക്ഷേപണ മന്ത്രിയായിരുന്നു. ഇന്ദിര നേരായ മാര്‍ഗ്ഗങ്ങളുപയോഗിച്ചല്ല തിരഞ്ഞെടുപ്പ് വിജയിച്ചത് എന്നു അലഹബാദ് ഹൈക്കോടതി വിധിക്കുകയും ഇന്ദിരയുടെ തിരഞ്ഞെടുപ്പ് അസാധുവാക്കുകയും ചെയ്തു. ഇന്ദിരയുടെ തിരഞ്ഞെടുപ്പു പ്രചരണങ്ങളും ജാഥകളും റേഡിയോയിലൂടെയും ടെലിവിഷനിലൂടെയും രാജ്യമൊട്ടാകെ അറിയിക്കണമെന്ന സഞ്ജയ് ഗാന്ധിയുടെ ആവശ്യം നിരസിച്ചതിനാല്‍ ഇന്ദിര ഗുജ്റാളിനെ മാറ്റി വിദ്യാ ചരണ്‍ ശുക്ലയെ വിവരപ്രക്ഷേപണ മന്ത്രിയാക്കിയതെന്നാണ് രാഷ്ട്രീയ കേന്ദ്രങ്ങള്‍ പറയുന്നത്. പിന്നീട് റഷ്യയിലെ ഇന്ത്യയുടെ സ്ഥാനപതിയായി അദേഹം നിയമിക്കപ്പെട്ടു. 1991 ലെ ഗള്‍ഫ് യുദ്ധത്തിനുശേഷം സദ്ദാം ഹുസൈനെ കണ്ട് ചര്‍ച്ച നടത്തി.

ഐ കെ ഗുജ്റാല്‍ എന്ന ഇന്ദര്‍ കുമാര്‍ ഗുജ്റാള്‍ 1919 ഡിസംബര്‍ 4 ന് പാകിസ്ഥാനിലെ ഝലം പട്ടണത്തിലാണ് ജനിച്ചത്. 1980 ലാണ് കോണ്‍ഗ്രസ് വിട്ട് അദ്ദേഹം ജനതാദളില്‍ ചേര്‍ന്നത്. 1997 ഏപ്രില്‍ 21 മുതല്‍ 1998 മാര്‍ച്ച് 19 വരെയായിരുന്നു ഗുജ്റാള്‍ പ്രധാനമന്ത്രിയായിരുന്നത്. ദേവഗൗഡക്കുശേഷമാണ് ഗുജ്റാള്‍ തെരഞ്ഞെടുക്കപ്പെട്ടത്. അദ്ദേഹത്തിനു ശേഷം ബിജെപിയിലെ എ ബി വാജ്പേയി പ്രധാനമന്ത്രിയായി. 2005 ഒക്ടോബറില്‍ ബംഗ്ലാദേശ് അദ്ദേഹത്തെ ആദരിച്ചു. 2002 ല്‍ നടന്ന ജമ്മുകാശ്മീര്‍ തെരഞ്ഞെടുപ്പില്‍ വിദേശനിരീക്ഷകരെ കൊണ്ടു വരണമെന്ന അദ്ദേഹത്തിന്റെ നിര്‍ദേശം വിവാദമായി. 2004 ല്‍ ബിജെപിക്ക് പിന്തുണ പ്രഖ്യാപിച്ചതും വാര്‍ത്തയായി. മലയാളി എഴുത്തുകാരന്‍ വികെഎന്നുമായി അടുത്ത ബന്ധം സൂക്ഷിച്ചിരുന്നു. മാറ്റേഴ്സ് ഓഫ് ഡിസ്ക്രീഷന്‍ എന്ന പേരില്‍ ആത്മകഥ രചിച്ചു. പെന്‍ഗ്വിന്‍ ബുക്സായിരുന്ന പ്രസാധകര്‍.

കുലീനമായ പ്രസംഗശൈലിയായിരുന്നു അദ്ദേഹത്തിന്റേത്. ഉറുദുഭാഷയില്‍ നിപുണനായിരുന്ന അദ്ദേഹം കാവ്യശകലങ്ങള്‍ ഉദ്ധരിച്ചാണ് പ്രസംഗിച്ചിരുന്നത്. അഞ്ച് അയല്‍ രാജ്യങ്ങളുമായി നടപ്പാക്കിയ നയതന്ത്രസമീപനങ്ങള്‍ ഗുജ്റാള്‍ നയതന്ത്രം എന്ന പേരില്‍ അറിയപ്പെട്ടു. 1999 മുതല്‍ സജീവരാഷ്ട്രീയത്തില്‍ നിന്നും വിട്ടു നിന്നു. 57 രാജ്യങ്ങളിലെ മുന്‍പ്രസിഡന്റുമാരും മുന്‍പ്രധാനമന്ത്രിമാരും ചേര്‍ന്നു രൂപീകരിച്ച ക്ലബ് ഓഫ് മാഡ്രിഡില്‍ അംഗമായി. വാജ്പേയി സര്‍ക്കാരിന്റെ പൊഖ്റാന്‍ പരീക്ഷണത്തെ എതിര്‍ത്തുവെങ്കിലും ലാഹോര്‍ സന്ദര്‍ശനത്തെയും ലാഹോര്‍ കരാറിനെയും അനുകൂലിച്ചു. ഭാര്യ ഷീല ഉറുദു കവയത്രിയായിരുന്നു. അവര്‍ 2011 ല്‍ മരിച്ചു. മക്കള്‍: വിശാല്‍ ഗുജ്റാല്‍, നരേഷ് ഗുജ്റാള്‍. രണ്ടാമത്തെ മകന്‍ നരേഷ് ഗുജ്റാള്‍ രാജ്യസഭാ എംപിയാണ്. ഗുജ്റാളിന്റെ അനന്തരവള്‍ മേധയാണ് ഗായകന്‍ അനൂപ് ജെലോട്ടയുടെ ഭാര്യ

പങ്കാളിത്ത പെന്‍ഷന്‍: ചോദ്യങ്ങള്‍ക്ക് ധനമന്ത്രിക്ക് മറുപടിയില്ല Posted on: 11-Dec-2012 10:59 PM തിരു: നിലവിലുള്ള പെന്‍ഷന്‍ പദ്ധതിക്കെതിരെ ധനമന്ത്രി കെ എം മാണിയുടെ നിലപാടില്‍ നിയമസഭയില്‍ പ്രതിപക്ഷ പ്രതിഷേധം. പെന്‍ഷന്‍ബാധ്യത സര്‍ക്കാരിന് ഏറ്റെടുക്കാനാകില്ലെന്നും അതുകൊണ്ടാണ് പങ്കാളിത്ത പെന്‍ഷന്‍ നടപ്പാക്കുന്നതെന്നും മന്ത്രി പറഞ്ഞു. പങ്കാളിത്ത പെന്‍ഷന്‍ ആഗോളതലത്തില്‍ അംഗീകരിച്ച പദ്ധതിയാണെന്നും അടുത്ത ഏപ്രില്‍ മുതല്‍ നടപ്പാക്കുമെന്നും മാണി അറിയിച്ചു. ജീവനക്കാര്‍ക്ക് ആശങ്കയില്ലെന്ന് പറഞ്ഞ മന്ത്രി ഇതുസംബന്ധിച്ച് പ്രതിപക്ഷാംഗങ്ങളുടെ ചോദ്യങ്ങളില്‍നിന്ന് ഒഴിഞ്ഞുമാറി. മികച്ചതായി സര്‍ക്കാര്‍ പറയുന്ന പദ്ധതി എന്തുകൊണ്ട് പൊലീസിലും മറ്റ് സേനാവിഭാഗങ്ങളിലും നടപ്പാക്കുന്നില്ലെന്ന് കോടിയേരി ബാലകൃഷ്ണന്‍ ചോദിച്ചു. ജീവനക്കാരും തൊഴില്‍ തേടുന്നവരും കടുത്ത ആശങ്കയിലാണെന്ന് അദ്ദേഹം ചൂണ്ടിക്കാട്ടി. പെന്‍ഷന്‍ ഫണ്ടിന്റെ മാനേജ്മെന്റ് എങ്ങനെയാകുമെന്ന് ഇപ്പോള്‍ പറയാനാകില്ലെന്നും ഇതുസംബന്ധിച്ച തീരുമാനങ്ങള്‍ കേന്ദ്ര സര്‍ക്കാരിന്റെ നയങ്ങള്‍ അടിസ്ഥാനമാക്കിയാകുമെന്നും മന്ത്രി പറഞ്ഞു. മന്ത്രിയുടെ നിലപാടിനെതിരെ പ്രതിപക്ഷാംഗങ്ങള്‍ ശക്തമായി പ്രതിഷേധിച്ചു. ഇതിനിടെ മന്ത്രി എന്ത് ഉത്തരം പറയണമെന്ന് നിര്‍ബന്ധിക്കാന്‍ തനിക്കാകില്ലെന്ന് സ്പീക്കര്‍ പറഞ്ഞു. പങ്കാളിത്ത പെന്‍ഷനെ ന്യായീകരിച്ച് പി സി വിഷ്ണുനാഥ് നടത്തിയ പരാമര്‍ശങ്ങളും ബഹളത്തിനിടയാക്കി. പെന്‍ഷന്‍ ബാധ്യതയാണെന്ന സര്‍ക്കാര്‍ നിലപാട് ജനവിരുദ്ധമാണെന്ന് ഡോ. തോമസ് ഐസക് പറഞ്ഞു.

SCHOOL CLUBS

27/6/14

വായനാവാരം സമാപനം

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

അനുയായികള്‍